امان الله مهر: امان الله ولد مولوي جان محمد مهر 16 جنوري 1916ع تي شڪارپور ۾ پيدا ٿيو. پرائمريءَ جا پنج درجا پاس ڪرڻ بعد ديني تعليم حاصل ڪرڻ لاءِ ڳڙهي ياسين جي مشهور عالم مولانا محمد ابراهيم جي مدرسي ۾ داخلا ورتائين، جتي عربي ۽ فارسيءَ جي تعليم حاصل ڪري صرف ونحو جو به علم حاصل ڪيائين. پنهنجي استاد جي رهنمائيءَ ۾ حمد، نعت ۽ مداحون لکندو رهيو، 1960ع کان باقاعدي غزل ۽ نظم به لکڻ لڳو. سندس شاعريءَ جا ننڍا ڪتاب شايع ٿيل آهن، جن ۾ ’پيغام الفت‘، ’گلشن نعت‘، ’اظهار عشق‘، ’جام وحدت‘، ’ساز صحبت‘ ۽ ’راز محبت‘ قابل ذڪر آهن. هو ڪيترن ئي مشاعرن ۽ ادبي محفلن ۾ شريڪ ٿي شعر پڙهندو هو.
16.01.1916 عيسوي
امان الله ولد مولوي جان محمد مهر 16 جنوري 1916ع تي شڪارپور ۾ پيدا ٿيو .